首页 > 名报 > 太阳报

薩格勒布戴拿模平手盤係堡

2019-08-27 09:44:48

周三凌晨另一場歐聯附加賽次回合,挪超球隊洛辛堡返到主場,迎戰克羅地亞代表薩格勒布戴拿模。薩格勒布戴拿模首回合領先2比0,今場只要保持不敗就可以進身32強分組賽,球隊近5場歐聯作客未輸過,今場平手盤值得支持。(Now 644、有線603及604台周三凌晨3時直播)

洛辛堡防線差易失波
洛辛堡對上一次出戰歐聯分組賽已經是2007/08球季,佢哋首回合作客其實都踢得主動,可惜射門質素唔高,相反薩格勒布戴拿模射門只係中過2次龍門,但就100%變成入波,首回合領先2比0,洛辛堡今場必須淨勝2球或以上才有機會晉級,形勢絕不樂觀。洛辛堡近3場主場雖然贏晒,但全部有失波,3場合共失5球,後防演出唔穩健,今場形勢上焗攻之下,隨時暴露更多空位畀對手有機可乘。

薩格勒布戴拿模開季至今狀態對辦,聯賽連盃賽已保持11場不敗,既然手執2球優勢,今場絕對可以睇住嚟踢。薩格勒布戴拿模今屆5場歐聯外取得4勝1和,如單計作客,薩格勒布戴拿模近5場歐聯亦有3勝2和不敗佳績,歐戰水準穩定,今仗起碼坐和望贏,平手盤可取。